La Zirudèla che riportiamo qui di seguito è stata dedicata alla compagnia come ringraziamento in occasione della festa di fine anno scolastico 2008-2009.
E’, a nostro parere, molto bella e ne siamo grati sia all’autrice sia a tutto il corpo docenti della scuola XXI Aprile che con questo ci ha voluto fare un regalo veramente inaspettato!
Buona lettura!
Zirudèla dedichè
con afèt e sinzeritè
a un ruglàtt ed genitùr
ch’i én stè collaburadùr
straordinêri e ecezionèl
ed ste scôla elementèr.
I en al mâmi ed i papà
di fangén dla “quèrta A”
ch’i an capé la situaziån
d’una scôla in restriziån.
Parché, dgiàn la veritè,
vèga l’é ste sozietè:
par la scôla, dai e dai,
di quatrén an i n é mai.
RISULTATO:
a n avàn un góbbi sanz’èter
ch’al s inzócca invatta a cl’èter
e par seguitèr la strè
a ste scôla scalastrè
a sàn propi parsuès
ch’a i vôl sèt bûs int al nés.
MO ZIZLA!
Avàn una pió fâta rèna
che dé e nòt a s insugnàn dla grèna!
E i genitùr i l’an capé
che la situaziån l’ é quasta qué,
acsé un bèl dé i s én atruvè
e fra d låur i an strulghè
un sistema uriginèl
par pruvèr d tirèr so quèl.
Sanza stèr a tintinighèr
i s èn dè sóbbit da fèr:
i an fundè una cumpagnì
ed teâter e par magì
da sénpliz GENITÙR
i en dvintè di GENI…ATTÙR.
Po’ par nóm i an sélt tótt quant
qual ed «Pippo’s parents gang»,
ispiràndes a cal cagnén
druvè a scôla dai fangén
pr’inparèr ban la scritûra
e par lèzer con bravûra,
secånd al métod rinomè
che Jeannot al vén ciamè.
I s’én sgagè a preparèr
un cupiån da presentèr
e pò, tótt in sverzûra,
i an tachè la so aventûra.
E vai coi testi e con le scene
e i costumi che stian bene
e po’, via, tótt i artista
a pruvèr con al regésta!
I an balè al ciarlestón
con di nîgher parucón
anch i gànster i an fât
tótt alìgher e sudisfât;
tótt cumprìs int al so rôl
i s én esibé int un miusicôl
ispirè al film ‘caposaldo’
“A qualcuno piace caldo”
che a un èter i an asucè,
“Sisters in act(ion)” intitulè.
Al sucès l é ste grandiåus,
un quèl propi strepitåus,
un spetâcuel sanza uguèl
e dabån profesionèl,
ch’l a svelè di nûv artésta,
propi brèv prutagunésta.
Par i atûr ed profesiån,
qui che al teater al fan dabån,
l’é åura ed stèr aténti
d ‘n avanzèr sanza provénti:
se li vedranno portar via
da ste nuova compagnia.
Difâti par la bravitó
a la zant i en acsé piasó
e i en dvintè tant rinomè
che fén al Bellinzona én andè in turnè.
E nuèter a sän urguiûs
di nôster GENI-ATTÙR!
Chi én di gêni par dabån
int al so esibiziån,
ma oltr’a èser favulùs
i én anc dimóndi generùs:
låur col cant e col balàtt
i an més insàmm un bèl magàtt
che tótt d’acórd i an avó a chèr
a la scôla ed regalèr.
E nuèter a i ringraziàn
e con tótt al côr a i dgiàn
ch’a i sän dimóndi grèt.
Al fän in ste môd vègh
strulgànd rémmi bulgnàisi
sperànd ch’al séppen intàisi.
Mo par favurìr la comprensiån
a i mitän la traduziån!
Delle XXI Aprile tótt nuèter
a dgiän grazie a tott vuèter
parché adèss prôpi grazie a vó,
e a la vôstra artéstica virtó,
ste scôla srà pió bèla
…tóc e dai la zirudèla.
Roberta Montanari, maestra delle scuole elementari XXI Aprile 1945, Bologna
TRADUZIONE
Zirudella dedicata
con affetto e sincerità
a un gruppo di genitori
che sono stati collaboratori
straordinari ed eccezionali
di questa scuola elementare.
Sono le mamme ed i papà
dei bambini di “quarta A”
che han capito la situazione
di una scuola in restrizione.
Perché, diciamo la verità,
strana è questa società:
per la scuola, dai e dai,
di quattrini non ce ne son mai.
RISULTATO:
non abbiamo un soldo, senz’altro
che si inzucchi contro l’altro
e per proseguire la strada
a questa scuola dissestata
siamo proprio convinti
MA PERBACCO!
Abbiamo una miseria così grande
che giorno e notte sognamo denaro!
E i genitori hanno capito
che la situazione è questa,
così un bel giorno si sono trovati
e insieme hanno pensato
un sistema originale
per provare a guadagnare qualcosa.
Senza tentennare
si sono dati subito da fare:
hanno fondato una compagnia
di teatro e per magìa
da semplici GENITORI
si sono trasformati in GENI-ATTORI.
Poi per nome hanno scelto tutti quanti
quello di “Pippo’s parents gang”.
ispirandosi a quel cagnolino
usato a scuola dai bambini
per imparare bene la scrittura
e per leggere con bravura,
secondo il metodo rinomato
che Jeannot viene chiamato.
Si sono affrettati a preparare
un copione da presentare
e poi, con entusiasmo,
hanno cominciato la loro avventura.
E vai coi testi e con le scene
e i costumi che stian bene
e poi, via, tutti gli artisti
a provare con il regista!
Hanno ballato il charleston
con delle nere parruccone
anche i gansters hanno fatto
tutti allegri e soddisfatti;
tutti compresi nel loro ruolo
si sono esibiti in un musical
ispirato al film ‘caposaldo’
“A qualcuno piace caldo”
che a un altro hanno associato
“Sister act” intitolato.
Il successo è stato grandioso,
una cosa proprio strepitosa,
uno spettacolo senza eguale
e davvero professionale,
che ha svelato nuovi artisti,
davvero bravi protagonisti.
Per gli attori di professione,
quelli che il teatro lo fanno davvero,
è ora di stare attenti
per non restare senza proventi:
se li vedranno portar via
da sta nuova compagnia.
Infatti per la loro bravura
alla gente sono tanto piaciuti
e sono diventati tanto famosi
che fin al Bellinzona sono andati in tournèe.
E noi siamo orgogliosi
dei nostri GENI-ATTORI!
Che son geniali per davvero
nelle loro esibizioni,
ma oltre ad essere favolosi
son anche molto generosi:
loro col canto e col balletto
hanno raccolto un bel gruzzoletto
che tutti d’accordo hanno avuto piacere
alla scuola di regalare.
E noi li ringraziamo
e con tutto il cuore diciamo
che siamo loro molto grati.
Lo facciamo in questo modo stravagante
inventando rime bolognesi
sperando che siano capite.
Ma per favorire la comprensione
ci mettiamo la traduzione!
Delle XXI Aprile tutti noi
diciamo grazie a tutti voi
perché adesso proprio grazie a voi
e alla vostra artistica virtù
questa scuola srà più bella
… toc e dai la zirudella.
Roberta Montanari, maestra delle scuole elementari XXI Aprile 1945, Bologna
